Interviste me studentet
ERMAL MEHAJ
Fakulteti i Shkencave Kompjuterike
Fillimisht, ajo çka do të kisha bërë unë, do të ishte ndërtimi i një aeroporti pasi mendoj se këtu ka shumë prej atyre që janë duke fluturuar, e fluturuar, e fluturuar, drejt një drejtimi ende të pa identifikuar qartë.
Mbasi funksioni primar i aeroportit është për ti ulur mjetet fluturuese në tokë, mendova ndoshta mos i duhet edhe UEJL-së një.
E mbasi ta prekim tokën me këmbë atëherë do të kisha ndërtuar minimum dy çeshma publike me ujë të pijshëm brenda hapsirës universitare. Pa ujë vështirë se mbahet shpirti, apo?
Mbas gjithë këtyre, do të urdhëroja që biblioteka të jetë e hapur 24 orë për studentët, sepse nuk dihet asnjëherë sakt, se kur i vjen studentit inspirimi apo dëshira për të lexuar.
Gjithashtu do ta katërfishoja laboratorin e Shkencave Kompjuterike me hapësira dhe mjete pune të reja.
FATON ARIFI
Fakulteti i Shkencave Kompjuterike
Do ta kisha pasuruar Universitetin tonë me një ambulancë e cila do të jetë aty për t’ju dhënë studentëve ndihmën e parë. Gjithashtu ligjeratat që studentët i marrin nga Copy Shopi do ti bëja të merren pa të holla, ato do ti mbulonte paga që çdo student ndanë për pagesën semestrale.
Edhe biblotekën nuk do ta kisha lënë pasdore. Do ta shtoja atë me salla të reja leximi, për shembull; një kënd do të kishte muzik të qetë në prapavi sepse ka shumë student që mësojnë në këtë mënyrë. Një kënd tjetër do të ishte për diskutime, videokonferenca, punë grupi, etj.
Gjithashtu, një fokus të veçant do ti kushtoja edhe rrugës hyrëse për në UEJL. Do të ndaja veçmas hyrjen e veturave dhe veçmas hyrjen e studentëve, sepse situata që është tani, jep mundësinë për tu krijuar një tollovi e madhe.
AVA IZEIRI
Fakulteti i Drejtsisë
Mbasi ju po më ofroni mua mundësinë për ta imagjinuar UEJL-në nga një prizëm ndryshe nga ky që është, po ju themë disa nga propozimet që më bien ndërmend tani:
E para, do të isha munduar që në UEJL të hap për studentët Fakultetin e Mjeksisë me të gjitha kushtet dhe laboratoret e nevojshme për atë fushë. Përveç kësaj do të tentoja që Universiteti jonë të pasurohet edhe me Fakultetin e Arteve të Bukura.
E dyta, do të fokusohesha në zgjerimin e hapësirave të reja të biblotekës.
Gjithashtu vëmendje të veçantë do ti kushtoja parandalimit të korrupsionit dhe formave tjera që japin si rezultat vetëm një gjë-HUMBJEN.
MELISA KANZOSKA
Fakulteti i Biznesit
Këtu shumë gjëra funksionojnë si duhet por meqë po më jepet mundesia për ta parë Universitetin nga një prizëm tjetër, po ju sjell disa ide: gjithmonë do t’ju ofroja studentëve seminare të ndryshme jasht vendit me njerëz profesionalist. Gjithashtu, do t’ju mundësoja atyre që të kryenin praktikën nëpër organizata të mëdha dhë të njohura.
Nuk do ta kisha lënë anash as mësimin interaktiv sepse mendoj se kjo formë e re studimi është në interes të studentit. Do të angazhoja njerëz profesionalist që do të jenë aty për t’ju ndihmuar studentëve rreth çështjeve që ata duan ti diskutojnë. Studenti do të ishtë gjithmonë pika kryesore e referimit dhe aktivitetit tim.
VIGAN HRVATI
Fakulteti i Shkencave Kompjuterike
Ideja për një imagjinatë të këtillë më duket ineresante dhe kjo më shtyn të mëndoj për Universitetin nga një këndvështrim tjetër- AI I NDRYSHIMIT.
Fillimisht do ta ulja koston e çmimit semestral që i takon të paguaj çdo studenti. Do të preferoja që të ndërtoja një bibliotekë të hapur, të paktën të jetë relaksuese dhe tërheqëse gjatë pregatitjes së provimeve të semestrit veror.
Gjithashtu do të bëja ndryshime edhe në fushën e planprogramit mësimor. Do t’i jepja një përkrahje më të madhe praktikës mësimore sesa pjesës teorike.
Do të ishte mirë që në fund të çdo tre mujori të përpiloheshin anketa për studentët dhe të pyeten se a janë të kënaqur me të rejat që ndodhin apo janë të lodhur nga ideja që s’po ndryshon asgjë.
SEMRA RAMADANI
Fakulteti i Drejtesisë
Universiteti nuk është vendi ku studentët përfitojnë vetëm njohuri, Universiteti është edhe vendi ku ata socializohen dhe kalojnë të paktën një katër orësh brenda atij kufiri.
Prandaj, kur mendohet të realizohet diçka, ajo duhet të shihet nga të gjitha anët. Nisur nga kjo, unë përkrahë idenë që Universiteti të jetë vendi ku to të ketë hapësira edhe për zbavitje. Në këtë pikë do të kisha dashur që brenda universitetit të organizohen më shumë udhëtime, pse jo edhe udhëtime që mbulohen financiarisht nga Universiteti.
Gjithashtu do të bëja që në çdo korridor të ketë aparat për kafe dhe ujë falas.
Me gjithë dëshirë, do të kontriboja që ta hapë edhe Fakultetit e Dizajnit si fushë të re studimi për studentët e ardhëshm të UEJL.