Një profesor ju tha studentëve të tij “përpara se të përpiqeni të fitoni një “betejë” siguroheni se e këni armatimin e sigurt dhe binduni se a keni të drejtën ligjore për të krisur në atë betejë”. Po nëse nuk i kemi as njërën, as tjetrën?-pyeti një student. Atëherë shko dhe zbrazi plumbat, se ndoshta do të duhen për ndonjë herë tjetër. Për atëherë kur do të dish se ke diçka në prapavi që do të mbroj, diçka siç është LIGJI-përfundoi profesori.
Nëse përpara një dekade jo shpesh mund të dëgjoje se dikush është student, sot rrallë herë të bie të dëgjosh se dikush nuk është student. Kjo nuk nënkupton se rruga për tu bërë student është bërë më e lehtë, kjo është thjesht një ndryshim që gjeneratat e reja po përjetojnë. Të jesh student, nënkupton të kesh pushtet, sepse ti je i mbrojrur me ligj, ti mund të akuzosh kë të duash dhe mund të të akuzoj kush të dojë, mjafton që ligji të ketë menduar për ty paraprakisht.
Sot, studenti e ka horizontin e hapur, dëshira është ajo që mund ta çojë deri në maje të këtij horizonti dhe është prap dëshira ajo që do ta lë në pikën ku u vendos që në fillim.
Është e vërtetë se planeti ynë lëviz, por kjo nuk d.m.th se ne duhet të ngjitemi në një vend dhe të presim ai të na shëtis. Studenti e ka kohën dhe mundësinë më të mirë për t’ja filluar një udhëtimi. Dhe ku i dihet, ndoshta ky mund të jetë “udhëtimi” që do t’ja bëjë ardhmërinë e sigurt.
Le t’ja fillojmë udhëtimit! Prit, se na duhet armatimi!
Universiteti i Evropës Jug-lindorë i rëgjistruar që nga 19 nëntori i vitit 2001 posedon një rregullore të qartë për të gjitha apektet që bashkëveprojnë brenda asaj hapësire.
Këtu janë të parapara të gjitha të drejtat dhe detyrimet e rektorit, pro-rektorëve, sekretarit gjeneral, profesorëve, asistentëve, studentëve, etj.
A e keni ditur për shembull se gjatë përzgjedhjes së kandidatëve që kokurojnë për punë në UEJL, është e ndalur që në komisionin zgjedhor të ketë pjestar të familjes së afërt të kandidatit (neni 76, i rregullores së UEJL).
Shpesh studentët kur janë të shqetësuar nga një problem që kanë pasur me administratën ose profesorët e UEJL, kërkojnë që të ndërmeren masa, por a i mbron ligji i UEJL-së në atë?
Unë nuk i di të drejtat e studentit, di vetëm që po e shkela hapësirën e gjelbër të UEJL-së do të dënohem më 10 euro-tha Arben S. -student i UEJL-së.
Kjo nuk është e shënuar në rregullore, por është një rregull e pa shkruar që studentët e respektojnë plotësisht, madje edhe më mirë se disa rregullore të shkruara.
Ja disa nga nenet e parapara në rregulloren e UEJL:
Studentët kanë të drejtë të ankohen për cilësinë e leksionit ose të kushteve të Universitetit; ankesat e tilla do t’i dorëzohen fillimisht Dekanit të Fakultetit ose nëpunësit ekuivalent me kërkesë të mëtejshme deri te Këshilli, vendimi i të cilit është vendimtar. Rregullorja e cila i elaboron këto procedura do të përpilohet nga Bordi i Universitetit me propozim të Këshillit (Neni 86, i rregullores së UEJL).
Senati mund t’i largojë nga Universiteti, përgjithmonë ose përkohësisht, ata studentë të cilët nuk sillen mirë. Studentët të cilët akuzohen për sjellje joedukative kanë të drejtë të merren në pyetje nga një Komision Disiplinor i cili do të këshillojë Senatin. Largimi para marrjes në pyetje mund të autorizohet nga Rektori. Studentët e larguar me urdhër të Senatit mund të drejtohen me ankesë në Komitetin Ekzekutiv të Universitetit, i cili mund të konfirmojë ose ndryshojë vendimin e Senatit. Rregullorja e cila i elaboron këto procedura do të përpilohet nga Bordi i Universitetit me propozim të Senatit (Neni 88, i rregullores së UEJL).
Të gjitha dosjet personale do të ruhen me konsiderimin e duhur përsa i përket fshehtësisë së informacionit dhe do të hapen vetëm për qëllime të lejuara nga ligji ose ky Statut (neni 93, i rregullores së UEJL).
Kërkoni të drejtat tuaja, përpara çdo gjëje që bëni, nesë të drejtat që i keni nuk ju duken të kuptueshme kërkoni sqarim plotësues për ato. Sepse ti, ke të drejtën ta dish atë të drejtë.