Sikur papastërtia e ajrit që thithim të shihej ashtu siç shihet papastërtia e një letre të bardhë, të gjithë do të bërtisnim MOS MA NDOT AJRIN TIM!
Prandaj, çdo “bërtimë” që degjon në mbrotje të asaj që është me të vërtetë e JONA, bashkangjitju edhe ti. Në të kundërtën mundohu të ngresh zërin ti i pari.
Këtë bëri edhe qyteti i Gostivarit prej datës 16 deri më 22 shtator të këtij viti kur u inkuadrua në aktivitetin Java e Mobilitetit Evropian-Rrugët për Njerëzit.
Qëllimi i këtij aktiviteti është mbrojtja e ajrit nga ndotja e automjeteve transportuese dhe inkurajimi i autoriteteve lokale për ndarjen e hapësirave për trafik të pa motorizuar.
Ditët e para të aktivitetit filluan me trajtimin e temave për mbrojtjen e ajrit nga komunikacioni, nëpër shkollat e qytetit, kurse datat 19, 20, 21 shtator u shënuan me aktivitete nëpër rrugët e Gostivarit.
Ky aktivitet u bë i mundur nga Organizata Joqeveritare “Europian Link Center” nga Gostivari dhe me përkrahjen e Ministrisë së Ekologjisë dhe Planifikimit Hapësinor.
Kryetari i kësaj organizate z. Muzafer Saliu tha se qyteti i Gostivarit është i pari në Maqedoni që hynë në konkurs për realizimin e një video iqizimi, me përmbatje nga aktivitetet e realizuara gjatë Javës së Mobilitetit. Në këtë aktivitet konkurojnë 1300 vende të mbarë botës, kurse rezultatet priten të shpallen në mars 2008.
Unë ndjejë kënaqësi kur shoh se edhe qyteti im është bërë pjesë e këtij aktiviteti, i cili është për të mirën e të gjithë qytetarëve, sepse të ngreshë vetëdijën për një ajër më të pastër është një punë e mbarë-tha Genc Saliu, pjesmarrës në këtë aktivitet.
Kurse një fëmijë i Gostivarit nuk nguroi të thotë: më në fund degjova se dikush do të punojë në ndërtimin e rrugëve edhe për biçikletën time, shpresojë të bëhet realitet!
Java e Mobilitetit Evropian në botë ka filluar të manifestohet prej vitit 2002 nga ana e komisioneres Margot Wallström. Rrugët për Njerëzit është edicioni i gjashtë i Javës së Mobilitetit Evropian. Pesë edicionet e tjera kanë qenë: “Transporti publik”, “Lehtësim Komunikacioni”, “Rrugë të sigurta për fëmijët”, “Komunikim i mënçur” dhe “Ndryshimet klimatike”.